ಕನ್ನಡದಲ್ಲಿ ವರ್ಷದ ಪ್ರತಿಯೊಂದು ಹುಣ್ಣಿಮೆಗೂ ಬೇರೆ ಬೇರೆ ಹೆಸರುಗಳಿವೆ. ಈ ಹೆಸರುಗಳು ಕನ್ನಡದ ಮನಸ್ಸು ಹುಣ್ಣಿಮೆಯನ್ನು ಯಾವ ಬಗೆಯ ಶ್ರೀಮಂತಿಕೆಯಲ್ಲಿ ಗ್ರಹಿಸಿಕೊಂಡಿದೆ ಅನ್ನುವುದನ್ನೂ ಸೂಚಿಸುವಂತಿದೆ.
ಜನವರಿ-ಬನದ ಹುಣ್ಣಿಮೆ
ಫೆಬ್ರವರಿ-ಭಾರತ ಹುಣ್ಣಿಮೆ
ಮಾರ್ಚ್-ಹೋಳಿ ಹುಣ್ಣಿಮೆ
ಏಪ್ರಿಲ್-ದವನದ ಹುಣ್ಣಿಮೆ
ಮೇ-ಆಗಿ ಹುಣ್ಣಿಮೆ ಮತ್ತು (ಅಧಿಕ) ಕಾರಹುಣ್ಣಿಮೆ
ಜೂನ್- ಕಾರ ಹುಣ್ಣಿಮೆ
ಜುಲೈ-ಕಡ್ಲಿ ಕಡುಬು ಹುಣ್ಣಿಮೆ [ಗುರುಪೂರ್ಣಿಮಾ]
ಆಗಸ್ಟ್-ನೂಲ ಹುಣ್ಣಿಮೆ
ಸೆಪ್ಟೆಂಬರ್-ಅನಂತ ಹುಣ್ಣಿಮೆ
ಅಕ್ಟೋಬರ್-ಸೀಗೆ ಹುಣ್ಣಿಮೆ
ನವೆಂಬರ್-ಗೌರಿ ಹುಣ್ಣಿಮೆ
ಡಿಸೆಂಬರ್-ಹೊಸ್ತಿಲ ಹುಣ್ಣಿಮೆ
ಕ್ಯಾಲೆಂಡರ್ ನೋಡಿ ದಿನಚರಿ ನಡೆಸುತ್ತಾ ನಾವು ನಿಸರ್ಗದ ಸಂಬಂಧ ಕಳಕೊಂಡಿರುವುದರಿಂದ ಈ ಹುಣ್ಣಿಮೆ ಹೆಸರುಗಳೂ ಮರವೆಗೆ ಸಂದಿವೆ. ನನಗೆ ತಿಳಿದಂತೆ ಉತ್ತರ ಕರ್ನಾಟಕದಲ್ಲಿ ಪ್ರತಿ ಹುಣ್ಣಿಮೆಗೂ ಒಂದೊಂದು ವಿಶಿಷ್ಟ ಆಚರಣೆಯೂ ಇದೆ. ಆದರೆ ಅವೆಲ್ಲ ತಿಳಿದಿಲ್ಲ. ನಮ್ಮಂಥ “ತಿಳಿದವರು” ಅವನ್ನೆಲ್ಲ ಕಳೆದುಕೊಂಡಿದ್ದೇವೆ. ಕೆಲವು ಹುಣ್ಣಿಮೆಗಳ ಹೆಸರು ಅರ್ಥ ಪೂರ್ಣ. ಉದಾಹರಣೆಗೆ ಜೂನ್ ತಿಂಗಳ ಮಳೆಕಾಲ, ಕಾರ್ಗಾಲದ್ದು ಕಾರ ಹುಣ್ಣಿಮೆ ಎಂದು ತಿಳಿಯುತ್ತದೆ. ಆದರೆ ಬನದ ಹುಣ್ಣಿಮೆ, ಸೀಗೆ ಹುಣ್ಣಿಮೆ, ನೂಲ ಹುಣ್ಣಿಮೆ ಇವೆಲ್ಲ ಯಾಕೆ ಏನು ಮರೆತಿದ್ದೇವೆ. ಅಥವಾ ವರ್ಷದ ಒಂದೊಂದು ತಿಂಗಳಲ್ಲೂ ಬರುವ ಹುಣ್ಣಿಮೆಗಳ ಬೆಳಕಿನ ವ್ಯತ್ಯಾಸವನ್ನೂ ಇವು ಸೂಚಿಸುತ್ತವೆಯೋ ಏನೋ! ಪ್ರಾದೇಶಿಕವಾಗಿ ಈ ಹುಣ್ಣಿಮೆಗಳಿಗೆ ಬೇರೆ ಬೇರೆ ಹೆಸರುಗಳೂ ಇದ್ದಾವು. ಗೊತ್ತಿರುವವರು ದಯವಿಟ್ಟು ತಿಳಿಸಿ. ಹಾಗೆಯೇ ನಿಮ್ಮ ನೆನಪಿನಲ್ಲಿ ಇರುವ ಆಯಾ ಹುಣ್ಣಿಮೆ ಸಂಬಂಧದದ ಆಚರಣೆಗಳನ್ನೂ. ಹುಣ್ಣಿಮೆಗಳು ಕಳೆದುಹೋಗದಂತೆ ನೆನಪು ಮಾಡಿಕೊಳ್ಳೋಣ, ಆಗದೇ?
Comments
ಹುಣ್ಣಿವೆಗಳು.
ಸರ್,
ನಮ್ಮ ತಾಯಿಗೆ, ಈಗಲೂ ಈ ಜನವರಿ, ಪೆಬ್ರುವರಿ ಇವೆಲ್ಲಾ ಬರದು. ಅವರು ತಿಂಗಳುಗಳನ್ನು ಈಗಲೂ ಹುಣ್ಣಿವೆಗಳ ಆದಾರದ ಮೇಲೇಯೇ ಗುರುತು ಮಾಡುತ್ತಾರೆ.
ನೀವು ಹೇಳಿದಂತೆ ಈ ಹುಣ್ಣಿವೆಗಳನ್ನು ನಾವು ತಿಳಿದುಕೊಂಡು, ಆ ನಮ್ಮ ಪದ್ದತಿಯನ್ನು ಕಾಯ್ದುಕೊಳ್ಳಬೇಕಿದೆ.
-------------------------------------------------------------
ನಡೆವವ ಬಿದ್ದಾನಲ್ಲದೇ, ನಿಂತವ ಬೀಳಲಾರ :)
ಮಾನ್ಯರೆ ಒಳ
ಮಾನ್ಯರೆ
ಒಳ್ಳೆಯ ಚರ್ಚೆಗೆ ವೇದಿಕೆ ಒದಗಿಸಿದ್ದೀರಿ. ಹುಣ್ಣಿಮೆಗಳನ್ನು ಜನವರಿ, ಫೆಬ್ರುವರಿ... ಎಂಬ ಹೆಸರುಗಳ ಬದಲಿಗೆ ನಮ್ಮ ಚೈತ್ರ, ವೈಶಾಖ.. ಇತ್ಯಾದಿ ಹೆಸರುಗಳ ಜೊತೆ ನೀಡಿದ್ದರೆ ಅರ್ಥಪೂರ್ಣವಾಗಿರುತ್ತಿತ್ತು. ಹುಣ್ಣಿಮೆಗಳ ಹಾಗೆಯೇ ಅಮಾವಾಸ್ಯೆ ಕೂಡಾ ವೈಶಿಷ್ಟ್ಯಪೂರ್ಣವಾಗಿರಬೇಕಲ್ಲವೇ (ಉದಾ: ಎಳ್ಳಮವಾಸ್ಯೆ, ಮಹಾಲಯ ಅಮಾವಾಸ್ಯೆ...)
Post new comment